Ellikqala qurg‘oqchil, ammo dehqoni epchil
Bugungi Qoraqalpog’iston kechagidan butunlay farqlanadi. Ilgari asosan baliqchilik, chorvachilik, gilamdo’zlik va kasanachilikka ixtisoslashgan o’lka, endilikda bog’dorchilik va dehqonchilikda ham o’zini namoyon etmoqda.
Dehqonning noni qattiq. Ancha zaxmat, mashaqqat va tajriba lozim. Bundan tashqari, turli tabiy ofatlar, zararkunandalar hosilga xavf soladi. Shuning uchun sug’urtaviy himoyangiz bo’lmasa, bu sohaga kirmagan ma’qul.
— Bizda suv masalasi chatoq. Asli kasbim mirobchilik bo’lib, dehqonchilikda o’zimni sinab ko’rmoqchi edim. Fermerlarga berilayotgan imkoniyatlar meni yer olishga ilhomlantirdi. Ikki yillik dehqonman. Ne umidda 35 gektar maydonga urug’ qadab, 67 tonna g’alla olishni mo’ljal qilgandik. Qurg’oqchilik odatdagidan og’ir kelib, hosilni urib ketdi. Xirmon atigi 11 tonna bo’ldi. Yaxshi hamki, “O’zagrosug’urta” kompaniyasi fermerlarni shunday holatlardan sug’urtalaydilar. Bizni holatimizda 39 million so’m sug’urta tovoni to’lab berildi. Sug‘urtachilardan minnatdorman va boshqa yangi fermerlarga sug‘urta xizmati haqida ko‘proq o‘rganishlarini tavsiya etaman, — deydi “Ellikqala Asadbek” fermer xo‘jaligi raisi G’ayrat Sharipov.
Ta’kidlash joizki, bugungi kunda Qoraqalpog‘iston Respublikasida “O‘zagrosug‘urta” AJ ning 15 bo‘linma va 2 ta sug‘urta markazi faoliyat yuritmoqda. Filialda 23 nafar xodim va 100 dan ortiq sug‘urta agentlari aholiga xizmat qilmoqda. Sug‘urta tovonlarning kunma-kun ortib borayotganligi respublikada ushbu xizmatga qiziqish yuqorilidan darak beradi. Xususan, 2020 yil o‘tgan davrida filial tomonidan 300 dan ortiq sug‘urta hodisalari bo‘yicha 1,5 milliard so‘m to‘lab berildi.
“O‘zagrosug‘urta” AJ
Axborot xizmati