“O‘zagrosug‘urta” AJ mini-futbol bo‘yicha III kubogi va shaxmat bo‘yicha II musobaqasi g‘oliblari taqdirlandi
Oldin xabar berganimizdek Davlatimiz rahbarining 2020-yil 30-oktabrdagi "Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida"gi PF-6099-son farmoni va 2018-yil 7-fevraldagi PQ-3514-sonli “Ichki turizmni jadal rivojlantirishni ta’minlash chora-tadbirlari to‘g‘risida”gi Qarori shuningdek, “O‘zagrosug‘urta” aksiyadorlik jamiyati tizimida Yoshlarga oid davlat siyosatini amalga oshirish hamda tizimdagi xodimlarni qo‘llab-quvvatlashga qaratilgan idoraviy chora-tadbirlar Dasturi asosida Jamiyat xodimlarini sport mashg‘ulotlariga keng jalb qilish uchun amaliy choralar ko‘rilmoqda.
Shaxmat va mini-futbol sport turlari ishchi xodimning jismoniy va intellektual salohiyatini rivolantirib uning mehnat samadorligiga ijobiy ta’sir etadi.
“O‘zagrosug‘urta” AJ mini-futbol bo‘yicha III kubogi va shaxmat bo‘yicha II musobaqasi g‘olibligi uchun 2024-yil 1-2-noyabr kunlari Samarqand shahrida o‘tgan turnir musobaqalari juda qizg‘in ruhda kechdi.
Shaxmat musobaqasining yakuniy bosqichiga Jamiyat Boshqaruvi, respublikaning barcha filiallari va “Agros Hayot sug‘urta kompaniyasi” AJdan tashrif buyurgan eng kuchli ishtirokchilar qatnashib, yarim finalda Jamiyat boshqaruvi, Qashqadaryo, Andijon va Qoraqalpog‘iston Respublikasi filiali xodimlari o‘zaro bellashishdi.
Nihoyat, finalda Jamiyat boshqaruvi va Qashqadaryo viloyati filiali vakillari musobaqa g‘olibligi uchun dona surishdi. Keskin va murosasiz kechgan uchrashuvda “O‘zagrosug‘urta” AJ Qashqadaryo viloyati filiali vakili ustun kelib, shaxmat turnirining bosh sovrini sohibiga aylandi.
Musobaqa g‘oliblari medal, diplom va esdalik sovg‘lari bilan taqdirlandilar.
Mini-futbol turniriga Jamiyat Boshqaruvi va respublikaning barcha filiallaridan va “Agros Hayot sug‘urta kompaniyasi” AJ jamoalari qatnashishdi, yarim finalda Jamiyatning Namangan, Buxoro, Andijon va Toshkent shahar filiali xodimlari o‘zaro bellashdi.
Yarim final o‘yinlarida Namangan va Buxoro filiali jamoalari o‘z raqiblaridan ustun kelib finalda uchrashishdi.
Maydondagi shiddatli va murosasiz kechgan final o‘yinida Namangan jamoasi 4-1 hisobida g‘oliblikni qo‘lga kritishdi.
Shu kunning o‘zida musoboqa g‘oliblari va eng yaxshi o‘yin ko‘rsatgan ishtirokchilarni taqdirlash marosimi bo‘lib o‘tdi. “O‘zagrosug‘urta” AJ mini-futbol bo‘yicha III kubogi go‘liblariga turnir kubogi, medal, diplom va esdalik sovg‘alari topshirildi.
Bundan tashqari nominatsiyalarda Eng yaxshi to‘purar va Eng yaxshi o‘yinchi Namangan viloyati filiali jamoasi vakillariga hamda Eng yaxshi darvozabon Andijon filiali darvozaboniga topshirildi.