“O‘zagrosug‘urta” xodimi sport festivalida muvaffaqiyat qozondi
O‘zbekiston Resublikasi Jismoniy tarbiya va sport vazirligi tashabbusi bilan 2021 yil 12–14 fevral kunlari Toshkent viloyati Chimyon qishlog‘ida “Chimyon-Exo-2021” qishki ekstremal sport turlari festivali bo‘lib o‘tdi.
Chimyondagi “Yoshlar oromgohi”da vazirliklar, idoralar va boshqa yirik tashkilotlar xodimlari hamda 20 dan ortiq ommaviy axborot vositalari vakillari sportning basketbol, voleybol, badminton, mini-futbol kabi turlari bo‘yicha bellashdi.
Ushbu sport festevali “O‘zagrosug‘urta” aktsiyadorlik jamiyati xodimlarining muvaffaqiyatli ishtiroki bilan yodda qolarli bo‘ldi. Xususan, Jamiyatning sport targ‘ibotchisi Ziyovuddin Jalilov mini-futbol turnirida “Eng yaxshi hujumchi” nominatsiyasini qo‘lga kiritdi.
“Chimyon-Exo-2021” so‘nggida havaskor sportchilarga esdalik sovg‘alari bilan birga maxsus sertifikat ham taqdim etildi.
Aytish mumkinki, Davlatimiz rahbarining “Qishki sport turlarini rivojlantirish chora-tadbirlari to‘g‘risida”gi qarori, shuningdek, Vazirlar Mahkamasining “Aholining sog‘lom turmush tarzini qo‘llab-quvvatlash va jismoniy faolligini oshirishga doir qo‘shimcha chora-tadbirlar to‘g‘risida”gi qarori doirasida tashkil etilgan musobaqa mamlakatimizda sportni keng targ‘ib qilish borasidagi muhim qadamlardan biri bo‘ldi.
“O‘zagrosug‘urta” AJ
Axborot xizmati