Shaxmat va sug‘urta
Hindistonning Chennay shahrida o‘tkazilgan 44-jahon shaxmat olimpiadasi o‘zbek shaxmati tarixiga zarxal xarflar bilan yozildi. FIDЕning biz bir oilamiz doimiy shiori ostida o‘tgan ushbu nufuzli chempionatda O‘zbekistoning erkaklar terma jamoasi tarixiy g‘alabani qo‘lga kiritdi.
Shaxmat tarixi buyuk chempionlar, da’vogarlar, yuqori toifali o‘yinchilar, o‘z mamlakati chempionlari, tajribali grossmeysterlar bilan to‘la. Zamonamizning eng kuchli shaxmatchilari doimo diqqat markazida bo‘lgan.
Shunday shaxmatchilarning biri Isaak Kejden. U mashhur emas, lekin o‘zining nazariy g‘oyalari, go‘zal usullari bilan shaxmat rivojiga katta hissa qo‘shgan.
Isaak Kejden xalqaro shaxmatchi va ko‘p yillar davomida AQShning eng kuchli shaxmat ustalaridan biri edi. U AQSH ochiq chempionatida ikki marta g‘olib chiqdi va o‘z mamlakati jamoasi uchun birinchi doskada o‘ynadi va ularni 1931, 1933 va 1937-yillarda shaxmat olimpiadalarining oltin medallariga olib keldi. Beshta olimpiadada qatnashgan Kejden to‘qqizta medal qo‘lga kiritdi, bu rekord hech qachon boshqa amerikalik shaxmatchilar tomonidan yangilanmagan.
1930-yillarning boshlarida Kejden xalqaro turnirlarda muvaffaqiyatli ishtirok etdi. U 1930-yilda Berlindagi turnirda g‘olib chiqdi, 1930-yilda Frankfurtda Aaron Nimzovitschdan keyin ikkinchi, 1930-yilda Stokgolmda birinchi o‘rinni egalladi va 1932-yilda Mexiko shahrida jahon chempioni Aleksandr Alexin bilan birinchi o‘rinni bo‘lishdi.
Buyuk Depressiya bilan bog‘liq iqtisodiy qiyinchiliklar boshlanganda Kedenning shaxmat karerasi sekinlashdi va u oilasini boqish uchun sug‘urta sohasida xavfsizroq ish topdi. Kejden turnirlarda shaxmat o'ynash orqali tirikchilik qila olmagani uchun 1938-yil yanvar oyida Chess Review (Shaxmat sharhi) jurnalida Prundential sug‘urta kompaniyasining maxsus agenti bo'lishini e'lon qildi.
1954-yilda Kejden grossmeyster unvoniga sazovor bo‘ldi. U shaxmat haqida bir qancha kitoblar ham yozgan. 1960-yilda u xalqaro hakam unvonini oldi. Umrining oxirida u AQSH shaxmat federatsiyasi ishida faol ishtirok etdi.
Axborot xizmati